Tuesday 30 June 2009

Farewell, KSA


آآآه

من وين ابدأ؟

أول شي، الأسبوعين الجايين آخر أسبوعين لي بالسعودية، رح كمل دراستي بأبو ظبي وسكني بيكون مع خالتي..
القرار اتخذوه أهلي من زمان وكانوا دايما يحاولوا يقنعوني وهالسنة وافقت.. مو حاب أدرس الثانوية هنا،

بس أول مرة أعرف إني بحب الرياض لهالدرجة.. رح اعترف، مخدتي شهدت دموعي امبارح..
بعد الامتحان.. الامتحانات ما احب الف بالشوارع بعدها بس كنت حاب اودع كم واحد فلفيت شوي،
ما كنت متوقع رح ازعل لهالدرجة..

أول شي، الرصيف اللي تقابلنا عنده أنا وسامي لأول مرة.. كنت بدي بوسه جد بس كنت مع مجموعة،
مطعم النافورة القريب.. ولو إني ما بطيقه بس شهد لحظات إلي أنا وسامي..

كمان فيه ممر ضيق بين المحلات وقسم الثانوي، ضحكت وأنا بعدي من عنده.. موقف خاص، كمان سامي إله علاقي فيه :)

وبعدين أكتر شي حزني لما شفت سامي، قعدنا مع بعض طبعا عشان نودع بعض، رغم إني حبيت أشوفه خلال الأسبوعين بس..
كنت حاب بوسه، عالأقل اتذكر متى آخر مرة بايسه لأني حاليا مو متذكر،،
سامي إذا بتقرأ كلماتي.. أنا بحبك وبتمنالك التوفيق،

وحاليا وأنا قاعد بطلع من شباك غرفتي للمكان اللي كانت سيارة سامي موقفة فيه لما بسنا بعض للمرة الأولى،
رح اشتاق لهالمكان كتير، رح اشتاق للذكرى اللي بتطل علي من الشباك كل مرة أتطلع لبرا..

كمان اليوم الصبح طلعت مع اختي نشتري هدايا للعيلة، بتحكي اختبارها بكرا سهل،
ومريت على كتير اماكن كنت فيها أنا وسامي، وذكرتها في أول "موعد" النا في الجزء التاني..

آآآآه يا حياة شو إنك صعبة.. ما كنت متوقع أبدا في يوم إني رح حب الرياض لهالدرجة..

بس اكتر شي رح احزن عليه هو بسام :(.. لهلأ ما ودعنا بعض ومو ناوي ودعه لحتى آخر يوم،
طبعا رح زور الرياض من وقت للتاني.. بس مو زي لما كون عايش فيها،

أنا كنت ناوي يكون انتقالي نقطة تحول، وانسى كل اللي صار قبل بالرياض،
a clean-break (قرايز أناتومي فان P: )

بس ما بقدر حتى لو حاولت،
لكن رح حاول انسى اللي صار قد ما بقدر،

و بحبك يا رياض 3>

دراما لتر من الدموع،


خلصت امتحاناتي P:

كنت بكتب بوست لحاله بس عارفين.. مو حاسس بفرق :/
كنت متوقع حالي رح كون فرحان وضحك ولعب طول الوقت بس لا..
هاه الله لا يبلاكم ادعولي تروح مني هالحالة، كل الأخبار الحلوة بتجيني وأنا مبوز.. بالزبط كدا: :/
جد والله بدون سبب حالة هيك..! ما عمرها صارت P:
<< مقدمة D:

المهم، أنا كنت ناوي أكتب هالتقرير في نفس يوم وفاة آيا،
كتكريم لذكرى وفاتها.. فديتها 3>
كنت مفكر 23 من هالشهر هو تاريخ وفاتها، ولما شفت حلقات المسلسل للمرة السبعطعش << لاحد يصدق.. عدد مرات اللي شفتها في الطعش بس ما اتوقع سبعطعش

المهم.. عرفت إنها متوفية في شهر ماي، عاد السنة الجاية لازم أعملها شي مميز، السنة الماضية رحت للمستشفى..
ماقصدي أكون "رود" بس وع ..
كنت متوقع غرفة الطوارئ زي قرايز أناتومي فيها أكشن بس كل اللي داخلين ناس مطلعين فطورهم !
-- اذا ما تقدروا تاكلوا لا تزودوا بالاكل وخلاص..!
لازم تزعجوا المستشفى يعني!

المهم بسكت وبكتب ملخصي البايخ D:
أنا لخصته من زمان.. بس بلخصه تاني.. حر!

يتكلم عن كيوتشي آيا، مراهقة في الخامسة عشر،
تصاب بمرض لا شفاء منه ولا علاج، يعرف بــ"تصلب المخيخ والنخاع،"
المرض يقوم، وببطء، بتفكيك خلايا المخيخ والنخاع، مما يؤدي مع الوقت إلى فقدان آيا قدرات لا غنى عنها لنا كبشر،

يبدأ صراعها مع المرض بعد أن تقع فجأة دون أي سبب،
بعدم تجاوب جسمها لسقوطها بالشكل المناسب، بعدم اندفاع يديها لتخفيف آثار السقطة تلاحظ والدتها-والتي تعمل في مجال الصحة- أن آيا تعاني من مشكلة،

بعد فحوصات مستمرة، ينقل الطبيب الخبر لوالدتها بمرض ابنتها،
ترفض والدتها تصديق الخبر، ترفض تصديق أن ابنتها ستنتهي حياتها بسبب مرض كهذا، لكنها في النهاية تضطر لمواجهة الواقع،


آآآآه كل ما أتذكر هالدراما بيجيني اكتئاب.. ياريت الأمريكان والعرب (خط أحمر تحت العرب) يتعلموا منهم،

أعطي هالدراما 100 من 10.. الدراما مبنية على قصة حقيقية، بس كلكم وأقول كلكم..
تابعوا الدراما، لازم لازم لازم بزعل منكم إذا ما تابعتوها،
وما بتندموا صدقوني،
وإذا ما شفتوا دراما آسيوية من قبل فهاذي بداية ممتازة، لأنها من التوب لست عندي، وتستحق تكون من التوب لست لأي واحد يقدر الدراما، و

ما أنسى أرفق الرابط لعيونكم، وأشكر موقع وفرق ألو فن، أحببببكم كلكم لو أعرف عنوانكم ما بترتاحوا من طلباتي D: وأقولكم فكوني وكملوا ترجمة هايتفول بت وانس آقين بدي أعرف شو صار!!
http://www.allofan.com/arabic_sub/litre_of_tears/

بس ملاحظة،
ياريت ما حد يحكم على الدراما من أول حلقة،
لأنها ما بتكون مثيرة للاهتمام كثير، ياريت تتابعوه للحلقة الثانية،
وإذا قلبكم حجر للحلقة الثالثة D:

Sunday 21 June 2009

Who and How

مشتااااق والله.. اول شي.. زمان عن المدونة P:

بس جد الامتحانات مو راحمة.. رغم إنو مو كتير صعبة المواد بس يعني...

المهم.. أنا مخطط أكتب عن هالصيف وشو رح يصير في جمعة العيلة.. فحبيت بس أبين مين اللي بيعرف إني جاي.. وبس للتسلاية لأني فاضي كيف عرفوا..

أول شي بسام طبعا.. كيف عرف أنا حكيتله.. ما صدق طبعا أول ما حكيتله فكرني بمزح أو هيك.. قمت صرت أتفلسف عليه وحلفتله بالآخر إني هيك وصدق.. طبعا انصدم لأنو متوقع المثليين بيختاروا يكونوا هيك.. وإنو المثليين هما اللي بيمارسوا لواط وما بعرف شو.. المهم أسبوعين تقريبا ما كلمني بعد ما حكيتله بعدين رجع يكلمني انو هو بيعرفني وبيعرف اني محترم واذا انا مثلي هدا مو شغله..

تاني شي..
أسماء طبعا.. وصاحبتها ليلى.. كتبت من قبل كيف عرفت.. صاحبتها ليلى ما بعرف.. يمكن حزرت بس ما اتوقع.. اكيد اسماء حكتلها ما بعرف.. المهم مو فارقة معي ليلى كتير لأنو شخصيتها ما بتعجبني..

ابن خالتي.. كمال..

وهو اللي خلاني أعرف إني هيك أصلا.. كنا بصيف بغزة.. قاعدين بالفيلا تبعت خالتي.. وقتها كنت ماكل لسعة من الشمس..
tip: always wear SPF :P
ما كنت بدي أطلع فقلت بدي ضل بالفيلا وابن خالتي كان وقتها بيحضر للبريزنتيشن للجامعة لمدري شو.. فحكا إنو رح يضل قاعد معي..

بعد ما خلص من التحضير ناداني نحضر فلم سوا.. كتير حاولت أتذكر شو كان الفيلم بس ما بقدر.. بتوقع مستر آند مسّيز سميث بس مو أكيد.. المهم واحنا بنتابع كان فيه مقطع رقص بين رجل وبنت اكيد.. مو لازم احكي يعني الرجال اكيد كان hot
ما بعرف كيف كان وجهي وقتها.. مبتسم او بطلع او ما بعرف كيف المهم كمال لاحظ.. فقام بيمزح بيحكيلي "شو عاجبتك البنت؟"
وقتها ما كنت بعرف شو المثلية وكنت مفكر اني بحب الاولاد عادي مافيها شي.. بكل براءة قمت جاوبت عليه "لا.. بس الشب حلو.."
بتوقع كان متفاجئ من ردي او هيك.. ما حكا شي لباقي الفيلم.. بعد ما خلص فتح الموضوع تاني وسالني عن الممثل وكيف انا معجب فيه.. فكر إني معجب بتمثيله او هيك قلتله لا بس وجهه وجسمه حلو..
وسالني عن البنت فقلت عادي حلوة بس ما بتعجبني.. راح عاللابتوب فتح النت وعمل بحث بقوقل.. مو متذكر بس بتوقع كتب
girls in bikini
يعني المهم صور نساء لابسين قصير.. وقعد يسألني إذا فيه وحدة بتعجبني منهم.. طبعا ولا وحدة حكيت.. بعدين بحث جديد
shirtless men
بتوقع ما تركت حدا إلا وحكيت عنه xD
مو لهالدرجة بس يعني شاورتلوا على كم راجل حلو..

هو طبعا كان متفاجئ كتير وقتها.. بعد أسبوع رجع وحكالي إنو دور عالنت وإنو مو زعلان مني ولا شي.. وشرحلي شو يعني المثلية..
الله يخليلي ياه.. رغم إني صرت أخجل منه بس أحسن ابن خالة والله :D

**
بس هدول اللي بيعرفوا هالشي 100% أكيدين.. بس لازم أذكر خالتي رولا..

أوك.. هي ما بتعرف بس السنة الماضية كانت شغالة تلميحات.. إنو بدها مني أحكيلها أو هيك..
هي ما بعرف كيف.. بلاقيها لما نشغل الآيبود أو لما بنات خالتي يلبسوا جينز (بنات خالتي كلهم صغار.. مافي غير وحدة فوق الــ15 ومحجبة) بتجي تحكيلنا نتسلى بشي تاني..

بس بنفس الوقت بلاقيها بالجمعات تقعد تسألنا أسئلة شوي محرجة.. يعني بنات خالتي بتسألهم عن شباب فصلهم وكيف معهم وحياتهم المدرسية.. وأولاد خالتي الكبار بتقعد تسألهم عن بنات الجامعة وهيك.. وهي صارت يمكن 4 مرات هالقصة.. وكل مرة يجي الدور علي كانت تسألني "وإنت كيف الشباب معك؟"
طبعا ما كنت أرد.. ماكان فيه حدا بيسمع غير كم وحدة من بنات خالاتي واولاد خالاتي الكبار وما كانوا ينتبهوا (يتوقع كمال كان ينتبه -رولا مو هي إمه-)
القعدة يعني بتكون كبيرة وبنكون مجموعات كبار وصغار وقاعدين بنتكلم بشي موضوع.. مو هي المرة الوحيدة اللي لمحتلي فيها يعني بلاحظ منها أكتر من مرة بس بتكون عالخفيف.. يعني مثلا لما كنا بالشاليه كانت تضحك وتحكيلي ما روح اسبح مع الشباب انو مزح..

بس هدول هم اللي بيعرفوا إني جاي.. :D

Thursday 4 June 2009

F4: Boys Before Flowers



Boys Before Flowers

دراما كورية مبنية على مانجا يابانية،

من فترة نصحني فيها واحد من المدرسة.. هو يعتبر المرجع الأساسي لأي شي كوري وياباني في المدرسة..
المهم نصحني بالدراما.. كنت اعرف عن اليابانية وفي نيتي احملها لكن حسب كلامه الكورية أحلى من اليابانية..

ملخص القصة.. ملخص بايخ كالعادة يعني P:

جان دي، مراهقة فقيرة في المرحلة الثانوية، تحصل على منحة بطريقة غريبة لمدرسة "شين هو" المخصصة للطلبة الأغنياء والتي تنفصل عن النظام التعليمي الرسمي لتناسب احتياجات الأغنياء.
تكتشف لاحقاً أن المدرسة محكومة بمجموعة تحت اسم F4.. اختصاراً لــ
Flowers 4 أي الزهرات الأربع،
مجموعة من أربع طلبة، يعتبرون أشهر وأغنى وأكثر الطلبة نفوذاً في المدرسة.
تقوم هذه المجموعة بإذلال الطلبة باستمرار دون سبب، ولا يسمح لغيرهم بإذلال الطلبة إلا في حالة واحدة، وهي إصدار بطاقة الإف فور الحمراء!
بطاقة الإف فور الحمراء هي بطاقة تصممها جماعة الإف فور، وعندما تقرر أن أحد الطلبة يستحق أن يعطي هذه البطاقة تقوم بوضعها بخزانته، عندها يصبح هذا الطالب منبوذاً من جميع الطلبة، ويجب على كل الطلبة تعذيبه، وإن حاول أحدهم مساعدته فهو يدخل تحت لعنة الإف فور، البطاقة الحمراء.
جان دي تقرر أن تقف بوجه جماعة الإف فور بعد أن تعرضت صديقتها لموقف جعلها معرضة للإهانة من قبل الجماعة، ويقرر صاحب الجماعة بعدها أن جان تستحق الحصول على بطاقة حمراء، وهنا تبدأ قصة جان دي مع جماعة الإف فور.

__

ما أنصح أحد يشوف الدراما كأول مرة يتابع شي آسيوي.. لأنه بياخذ فكرة سيئة عن الدراما الكوري.. إلا لو قرر يكمل المسلسل كامل لكن أوله بايخ، جدا! فإذا بتابعوا دراما كورية لأول مرة ما أنصح بالهدراما إلا لما تعرفوا حقيقة وجمال الدراما الكورية..

المسلسل، بويفز بيفور فلاورز، فيه له مانجا وإنمي ومسلسل ياباني، لكن عن نفسي فضلت الكوري عليهم. حسيته متقن أكثر وواقعي أكثر.

أحلى شي إنه الممثل كيم بوم يمثل فيه.. ومن ضمن جماعة الإف فور :D.. الله يشفيه سمعت صارله حادث وكان بحالة حرجة :(
sooooo CUTE :D!

لتحميل الدراما:
http://www.allofan.com/arabic_sub/boys_before_flowers/