خيانة.

عارف إني وعدتكم ببوست عن طلبة المدرسة وأنا عند وعدي.. كل يوم بكتب شوي بالبوست وبمل..

بس حبيت أكتب عن هالموضوع لأنه مأثر فيني حاليا.

رامي.. ولد معي المدرسة وكان معي بنفس الفصل،
ولد طيب كتير والكتير بيشهدوله بالأخلاق رغم إنه تصرفاته غريبة ومصلحجي..
مثلي الميول! صراحة ما بستغرب إذا كان عنده مدونة بيصارح فيها بهالشي لانه منفتح بخصوص مثليته أكتر مني حتى،
بس بطريقة تانية.. على عكسي وعلى عكس كتير من المتليين هو ما بياخد مثليته على إنها جزء كبير من حياته، وحسب معرفتي اله العلاقات العاطفية والاعجاب مو اختصاصه ابدا وما بيهتم فيها.
رغم إنه بدايته بالمدرسة ما كانت كتير منيحة وكان عرضة "للمسخرة" من قبل كتير من الطلاب.. لكن حاليا من اكتر الطلبة المحبوبين بالمدرسة و يعتبر من البوبز اللي عنا (مدرستي بالرياض مو بأبو ظبي)

لؤي.. طالب تاني بالمدرسة..
الطلبة موقفهم معه حيادي.. عدد لا باس به بيعتبره محبوب..
شلته اللي بيمشي معها هي نفس شلة رامي.. والغالب بيعتبروا رامي "انتشله" من حالة المسخرة اللي كان فيها.. لانه اول ما نقل (بعد سنة من نقل رامي للمدرسة) كان عرضة للمسخرة لأنه "ناعم"،
مافي داعي قول انه مثلي بتوقع،

التنين في مدرستي القديمة بالرياض حتى ما يختلط الموضوع عليكم..

رغم إنه رامي كتير الطلبة ملاحظين عليه إنه متقل حاله على لؤي وبيعامله بشكل عادي كتير.. لكن لؤي دايما كان يمشي مع رامي.. متل ضله تقريبا.. وكتير طلبة كانوا مطلعين كلام إنهم حبايب.. لما كنا نسال رامي اذا بيحب لؤي كان يجاوب بالنفي ببساطة.. بينما لؤي كان يتردد و"يصرفها"
بتوقع كان حب من طرف واحد.. سالت رامي مرة ليه صار يمشي مع لؤي.. وحكالي لانه لؤي كان بنفس وضعه باول سنة.. طالب جديد اول سنة اله والكل بيتمسخروا عليه..

باخر السنة الماضية.. قبل الصيف وفي الاختبارات سمعت انهم انفصلوا عن بعض... انفضلوا عن بعض بمعنى ما عادوا اصدقاء او انفصلوا عن بعض بمعنى كانوا حبايب وما عادوا حبايب ما بعرف بالزبط.. وهدا مو مهم،
المشكلة حسب ما فهمت انه واحد تكلم عالتاني من ورا ظهره والتاني لوا بوز..

هلا تركت المدرسة وهاي اخر اللي بعرفها عن تفاصيل المشكلة.. مع كلام انهم ما عادوا يحكوا مع بعض وواحد طلب من التاني انه ما يكلمه تاني ابدا ويعمل حاله ما بيعرفه..

واليوم عرفت اشيا جديدة بخصوص هالموضوع عن جد صدمتني وزعلتني بنفس الوقت... ما كنت متوقع في ناس بهالدناءة وممكن يكون بقلبها تخون لهالدرجة..

كنت قاعد بدور بقروبات الفيس بوك اللي بتختص بالجايز.. ومريت على قروب فيه مجموعة صور.. ما اهتميت وكنت رح اطلع من الصفحة حتى انتبهت على صاحب الصور.. رامي!
فتحت اول صورة فضولا.. كنت عارف انه رامي منفتح بس ما توقعت لدرجة يحط صوره بهيك قروبات..
لقيت الصورة وتحتها تعليق منحط عن جد.. مع رقم موبايل لرامي وتعليق ختامي "جاهز للـ***"
استغربت كتير طبعا.. ولقيت الصورة نازلة بكتير قروبات مع نفس التعليق الدنيء..
استغربت.. قلت يمكن واحد بيعمل دعاية لنفسه عن طريق صور رامي.. لانه رامي يعتبر من احلى الطلبة عنا بالمدرسة.. و.. اوسم طالب بالمتوسط :$

المهم قلت خليني اجرب ادق على الرقم.. يعني لو ما طلع رامي خليني كون شهم وبهدل اللي بيستغل صور الناس..
اخد وقت صاحب الرقم لحتى يرد لكن لما رد عرفته على طول.. رامي!
استغربت كتير وما عرفت ارد عليه.. ضل يحكي ألو أكتر من مرة ولما حكيتها أخيرا عرفني على طول..
سألني كيف عرفت الرقم.. كونه رقمه الخاص.. وقتها صرت شبه متأكد ومتفاجئ من إنه بينشر نفسه بهالطريقة.
حكيتله الصراحة.. اني كنت بقروبات للمثليين ولقيت اعلان بالصور عنه..
سكت شوي وحكالي "والمطلوب؟"
تفاجأت أكتر.. حكيتله ولا شي بس حاب اتأكد..
قعد ساكت شوي بعدين بدأ يشرح،
"أنا مو هيك إذا هاد اللي بتفكر فيه.. هاد الرقم خاص وأنا كنت ناوي يضلوا خاص،
أنا و 4 أصحابي بس معنا هالرقم.. ولؤي معاه هالرقم كمان..
لؤي قرر يعمل حركة وسخة منه ونشر الرقم بهالطريقة متل ما انت شايف.. من فهره يعني"
أنا ما صدقت اللي حكاه صراحة.. مو لأني بكذبه رامي بثق برأيه.. بس لأنه مو متصور أحد بيقدر يعمل هيك.. خصوصا إنه لؤي كان متل ضل رامي وكان يسأله على شغلات كتيرة وكبيرة وخاصة! وكان مأمن رامي على أرقام تلفونات أهله كمان.
سألته شو اللي مخليه متأكد من هالشي.. جاوبني إنه لؤي من كم يوم مرسله رسالة عالايميل وحكاله انه نشر صوره واعطاه رابط حتى يشوف الصور والتعليق اللي عليها..وكمان اصحابه اللي معهم الارقام متاكد 100% انهم مستحيل يعملوا هالحركة وعلاقتهم مع بعض تمام..
سالته لشو عمل هيك..
"ما بعرف.. ندالة منه.. هو كان من فترة بيحاول يآذيني بكتير طرق وأنا كنت مطنشه وعامل حالي مو سامع.. من تلفونات على الموبايل.. وحكا لأصحاب اله أشياء خاصة عني واعطاهم ايميلي وتلفوني حتى يعايروني فيها.. قررت بالاخر اني هكر ايميله بس حتى خليه يتربى شوي وهكرت ايميله ورجعله الايميل بعد ما حذفت نفسي من عنده واعطيت لنفسي بلوك.. وأنا حذفته من عندي واعطيته بلوك.. بس من كم يوم كلمني من ايميل اخته وحكالي عن حركة الصورة"
قعدنا ساكتين شوي.. ما كنت متصور لأي درجة ممكن توصل الحقارة ببعض الناس.. حتى لو ما كان بينهم علاقة -ما كان فيه حسب كلام رامي.. حكا انه لؤي كان معجب فيه بس رامي كان رافض الفكرة-
يعني حتى الصداقة مو العلاقة ما بتوصل لهاي الدرجة لو خربت... ما كان حتى بتصوري انه واحد ينشر صور عن التاني لمجرد انه يقهره..

لاي درجة ممكن النفس البشرية تكون حقيرة .. شي دايما بيخليني اتعجب،

حبيت أشاركم قصة خيانة آلمتني،
لي عودة.

Back to School

hey y'all!!

hw r u doin?? hop ure fin!

اول شي.. كل عام وانتم بخير وصيام مقبول.. عارف متاخر بس صراحة قرفان حالي بهالعيد..

اول شي.. اهلي سافروا.. يعني صار شي رسمي..
Im now a resident of ad
كمان زوج خالتي رجع من سفرته.. هو طيب بس يعني فجاة هيك فصرت ما اخد راحتي عالاخر بالبيت ولو انو واسع..

واخيرا.. اهم شي طبعا... Im back to school!
لاحد يسال ليش صاحي هلا.. نظام نومي فوق تحت... يعني هلا يعتبر منيح اني صاحي بهاد الوقت..لسة من ساعة صاحي..
باص المدرسة الساعة 5 ونص.. نوصل للمدرسة الساعة 6 وربع.. قرف يعني..

احلى شي انه اول ايام مافي دراسة.. بشوف الكلاسات ونتعرف عالاساتذة.. احلى شي استاذة السايكولوجي
she's so cute :P

طبعا لسة فيه خربطة بخصوص جدولي.. نظام جديد علي بس جدولي ارتحتله.. السايكولوجي دخلته فضول بس (اللي ما فهم.. السايكولوجي يعني علم النفس)
يعني استغربت فيه مادة للسايكولوجي.. بس شو علينا اخدتها..

و.. الطلبة الجداد..

الـgood thing انو مو انا الوحيد اللي يعتبر alien بالفصل.. الين يعني طالب ناقل جديد.. بدينا نتعلم مصطلحات جديدة .. هيك بتنكتب مصطلحات صح؟؟
خصوصا انو مرحلة جديدة (الثانوي) فيه كتير طلبة جداد.. بس للاسف فيه طلبة قدام اكتر..
اكتر شي كرهته.. نوع جديد من الطلبة ما كان موجود بمدارس السعودية.. الــpopz..
فيه شباب بيكونو شايفين حالهم بمدارسنا.. بس وجود العامل الانثوي بـad غير الحال..
يعني البوبز هنا عندهم ثقة اكتر بسبب مدح البنات.. طبعا الفصول مافيها اختلاط.. بس بتكلم عن اللي شفته بالباص..

بس حالي كان احسن من بقية الــaliens.. لانو تنين من اولاد خالتي فيها (اصغر مني) وبنت خالتي كمان فيها (اكبر بسنة) يمكن لانو مافي دراسة.
. بس الشباب هنا شغبهم اكتر من اي فصل كنت فيه.. which is gd..
احلى شي اللي داخلين سايكولوجي معي.. كلهم من النوعية "الفلة" متل ما بحكوا بالسعودية.. او ال very very cute nerds
صراحة اغلب وقتي مو منتبه..
بكلم بنت خالتي بالبلوتوث
P: which makes me come to the nxt pint

البي بي وشركة الاتصلات.. فيه احد غيري حاقد عليها؟؟ ناوي اعمل انقلاب يعني P:

كنت شاري البيرل.. شكله عجبني..
بس بعدها بدت المشاكل في الخدمات.. اول شي مشاكل بالاضافات..
بعدها بفترة بدت مشاكل البريد والانترنت.. متل ما حكيت شركة الاتصال هنا محتاجة نسف..
حاولنا نكلم الشركة ووديناه للمحل للصيانة.. وقاحة × وقاح
ة خالتي ما قصرت معاهم طبعا :P..
بس جد ما توقعت التعامل هيك.. رحت اشتريت سوني اريكسون ونسيت اللي صار *hugs Sony*

مو قاهرني الا انه البيبي كنت دافع نص حقه و راح علي :P.. بس عوضتها بالعيدية :P

للأسف طبعا.. اللي بدو يسال يعني اندرو مو معي بالمدرسة.. i'll miss him

.. شي تاني؟؟ اوه صح.. الكتب هنا شكله جنان :P.. بتفتح النفس يعني ..
مع انو سمعت انو ما افرح كتير الاسبوع الجاي رح غير رايي :P
و مدرس الماث احلى شي خلانا ننام بحصته.. i rly needed it..
شغلت بيونسيه عالآي بود ونمت.. صحوني بنص الحصة الطلبة للاسف بس يعني كنت شوي نشيط..

and ofc.. my uniform.. i hate it :@!
شكله غبي.. ما بقدر اوصفه بالزبط كيف لانو ممكن احد يعرف اي مدرسة بس شكله غبي وخلاص..

يلا.. برب احاول انام :P

I'm ALIVE!

I get wings to fly...
I feel that I'm alive

كح كح.. مندمج مع الاغنية

أول شي.. أحب أسلم على التالي ذكرهم:
جنجو حيااااااتي اشتقت لك :P

لا جد والله.. اتشتقت لك كثييييييييير...

وبعديها in the closet
واللي كان آخر موضوع لها مصدر وحي لي حتى اكتب تاني..

خالد ما انساه طبعا.. اعتبرني منضم لحملة الاصفر خلود :)!

تامرابن بلدي.. كيف الأحوال عندك؟؟

غريب طبعا..

وريكي :)! مدونته أول مدونة أتابعها ومن المدونات المفضلة عندي فما انساه لو انه تواصلنا محدود

__

آنيواي.. ليه ما كنت أدخل؟؟الصورة تتكلم..

ما تتفاجؤوا.. كنت بدرس!
لما سمعت خبر تاجيل الدراسة بالامارات لبعد رمضان.. كنت متحمس انه اجازتي ما رح تكون قصيرة.. صح؟؟

للاسف.. لو فكرتوا فيها فاجازتي فعلا كانت قصيرة...
اختبار قبول المدرسة كان صعب.. والمراجع اللي المفروض ندرس فيها ما تجيب الشلل بس.. تجيك باكيج كامل.. شلل الزهايمر خرف واللي يحبه قلبك :P

اسبوع عيني في كتب مملة ومقرفة ومقززة بشكل.. يعني بالله ادرس 4 كتب كاملة لاختبار واحد!؟ فين الانسانية :@!؟

the good news is.. i passed
مع مرتبة الشرف و إيه بلس وكرموني على مستوى الإمارة :D!
أمزح طبعا.. بس المهم اني passed والحمد لله..

___

a long.. long.. long story.. a cup of coffee is recommended unless انتو صايمين طبعا..

أول شي أحب أبشركم بشارة تسركم ان شاء الله :P
وهو اني جبت بلاك بيري.. كووول ما كنت عارفه حلو لهالدرجة..

أنا قطعت على نفسي عهد زي ما ذكرت من قبل اني ما رح ادخل في علاقة خلال فترة الدراسة..
مش ناقصة يعني..

المهم.. أندرو أقنعني إنو dating doesn't mean a relationship
يعني it's fun ومو لازم يكون معناها التزام..

فقلت مادام انا فاضي ليش لا؟ << هالكلام من قبل 3 اسابيع اتوقع.
. المهم.. دخلت النت ساعة ولقيت my date
صراحة المظهر مو كتير.. بس عادي يعني i don't want to be so picky بس وين المشكلة؟
لما يكون الديت بعد العشا وانا من العصر قاعد بتجهز ورحت عالسبا واعمل شعري والملابس والعطور والنظافة.. و السي سيد يحضر متاخر ولبس أي كلام ومعرق.. حتى شعره ما مشطه!
يعني طيب.. احيانا بحس انو سكسي الرجال لما يكون معرق و هيك..
بس يعني عالاقل فيه حدود.. خليك مثلا بالديت التاني اعمل سكسي وتعال معرق..
يعني اول موعد وخصوصا انو بس متعرفين عالنت.. فلازم يكون فيه "فيرست امبريشن" مميز.. يعني ابدا مو وقتها الواحد يعمل سكسي في الموعد الاول ولا انا غلطان؟ ا
عمل ستايل كيوت بس سكسي لما تكون العلاقة متطورة وصرتوا جاهزين لمرحلة ال،،making out او اللي بعدها اوك..

هذا اول خطا.. طبعا اكيد انصدمت لما شفته..

من اولها دعيت عليه ودعيت لي يخلص الديت بسرعة واروح على مكان اسهر فيه واستعرض..

عالاقل يعني ما يروح تعب فرد الشعر والديب كونديشيننغ عالفاضي.. كملت الديت طبعا..

مواضيع عادية ومملة.. حتى الاخ قرر "يثير اهتمامي" كيف اثار اهتمامي؟؟
الموضوع الغلط غلط غلط في اول ديت.. من وين هالناس جاية جد يعني!؟ اتعلموا اصول الديت بعدين تعالو المهم.. كلمني عن اللي غالبا بيعملوه بالليل.. ا
فهموا عاد وسالني "انت جربت قبل".. طبعا سال بطريقة تانية ومقرفة.. وفتح تحقيق عن my first وفجاة طلب مني احكيله قصة الـfirst kiss وقتها كنت من اقرب باب بدي اطلع وما اشوف هالوجه تاني..
بس طلعت استحي وجاوبته..
بس مو بصدق ..
قلتله كنا بسيارة بلا بلا بلا بسنا بعض وتوتة توتة توتة خلصت الحتوتة المهم..

خلص الديت الهوريبل بسلام.. وهو اصر يوصلني..
عالاقل عنده سيارة بدل مصاريف التاكسي يعني وهنا عملت الغلط التاني والكبير..
أنا طبعا مو هو..
وكل اللي يقرأ خليني عبرة الكم.. لا تقبلوا توصيلة ابدا من واحد غريب..
لو واحد من المدرسة او مكان العمل ممكن.. بس واحد غريب عالاخر وفيه احتمال كبير يكون بيكذب.. بلا غباء ومصاريف التاكسي مو كتير..

ا لمهم.. وصلني للبيت.. واجا الاخ مسوي رومانسي وبدو يبوس.. وهنا غلط تاني كبير.. first kiss من الــfirst date!؟
صرفتله قلتله احنا عند البيت وممكن حدا يشوفنا ومادري شو..
قام ذكرني باني بست my ex بسيارة قريب من بيتي..
آآآه طبعا زي ما قلت الحياء عندي ما اجا الا بهاليوم..
قبل ما انزل طلب رقمي.. اعطيته اله ونزلت.. وهنا غلط كبييييييييير ثاني.. لا تعطوا رقمكم لغريب.. مو غريب صاحب المدونة غريب يعني غريب :P
وهو عمل خطأ كبير تاني.. ما تلاحظون هي بالادوار انا خطا وهو خطا؟؟ نايس فيه تناسق يعني ..

قعد يزعجني باتصالاته لمدة يومين بعدها..
هي حلو لما تحس الواحد ولهان عليك ومعجب فيك ويدق عليك ويطمن وهالكلام الفاضي..
بحسه كيوت وسو بريء..
بس فيه حدود لهالشي كمان.. يعني اللي بدو يكلم كلم الصبح بدري او العصر او بالليل قبل وقت النوم... واذا اعطيتك مشغول أو رديت عليك لا تتصل بعد 10 دقايق تانية!
يعني وين ما كنت بيتصل.. "ليه مو قادر تطلع اليوم؟"
"لأني بدرس للامتحان.."
يعني ما عنده تقدير الأخ!؟ الكلام الطويل اللي قلتله له عن الامتحان ما يكفيه!؟
خليني اعرف ادرس يعني.. ولا واسوأ موقف لما يتصل وانا بقاعة الامتحان..
وقتها كنت بمسك البي بي واكسره بالارض..
المراقب طلب مني اقفله وعملت.. لما طلعت دق علي وعمل افظع عمل تصورته..
قالي i love you.. نعم نعم.. بتــlove مين يا عم !؟

انشالله بهيمة تحبه قولوا امين.. طول هالفترة وانا ماسك نفسي..
"عادي".. "مع الوقت بيزهق" بعدها لما اجاني خبر اني passed جابلي هدية..
شو تتوقعوا؟
لا ما رح احكي احزروا..

امانة عليكم تحزروا..

ما عرفتوا؟

بوكسر! فيه هدية أحلى من هيك!؟

ا سبوعين وانا معاه اي كلام واصرفه وهو مو فاهم.. لا وآخرتها يجيبلي بوكسر!؟ هي ناقصة يعني!!!

واليوم اللي بعدها مسوي شهم وابضاي.. قاعد مع أندرو بنضحك وبنلعب قام قعد بينا وكتم علينا..
ا ندرو طالع فيي انو Im sorry i made you go out on a date
وانا طالع فيه انو you should be
حاليا بكتب على أمل يكون يو نو هو قاعد بيقرأ.. احب أقوله "انت غثيث".. لا جد.. لازم تغير اسلوبك لأنو ابدا مو نايس يلا..

ا للي يلخص الأخطاء الرئيسية في المواعدة اله جائزة! ___
I LOVE my CHI hair straightener

بس أمهد لكلامي عن الشعر أول شي..

الستريتنر.. أو الــFlat Iron هي أحسن اختراع للشعر لتصفيفه.. وللأسف مو كتير مشهور بدول العرب

تدوم أكثر من السشوار.. وأسهل منه في الاستخدام

حقتي القديمة خربت مع السفر.. وبنت خالتي اشترتلي وحدة هدية..
بس حاب احكي..
الأغلب ماحدين فكرة إنه الــcurly و الــwavey ما بينفعلهم.. أنا عن نفسي ويفي (مموج) وما عندي مشكلة أبدا
هو الصراحة بيحتاج لشعر ناعم.. الشعر الجاف ما بينفعله ابدا..

انا نادرا ما استخدمها لفرد الشعر.. غالبا بس أحدد شكل التموجات كيف تكون وأخليها مرتبة..
بس أحيان طبعا أفرد فيها..

أهم شي هو يكون عندكم بلسم ممتاز و leave-in كونديشنر ممتاز.. البلسم يختلف حسب نوع شعركم بس الليف ان فانا انصحكم بــ Fructis Leave-in Conditioner
رهيب..

أوك.. ندخل في المصيبة..

في الديت المتنيل السابق.. أنا كنت ناوي من زمان أصبغ شعري وبهداك اليوم قررت أعملها
وصراحة خطوة غبية مني وغير عملية.. يعني لسة صغار عالصبغ ولا؟؟
المهم.. عملت highlights خفيف.. بنت خالتي حكتلي عن الصالون اللي بتروح عليه بس كان لازم احجز وكنت مستعجل فرحت لاي واحد وياريتني ما عملت.. اعطاني كونديشنر وكتبلي اسم ديب كونديشنر استخدمهم حتى امنع الجفاف..
أول يوم مر بسلام.. وتاني يوم.. بس بعدها

شي مقرف.. الشعر خشن خشن خشن.. نافش.. frizzed..
كرهت حياتي..

بس الحمد لله ما كنت قاص شعري.. ولو إني كنت حاب أطوله..
حجزت مع بنت خالتي لصالونها.. وحلولي المشكلة.. واعتمدت هالصالون لي ابو ظبي بروح عليه دايما..

المهم حبيت اسأل كمان.. فيه احد هنا يستعمل حمامات كريم او ديب كونديشنيرز أو حمامات الزيت؟؟ واي نوع يستخدمون.. مجرد فضول..


___

خلصت.. أتمنى ما أكون متقل عليكم..

بس قبل ما اروح.. اكتر من واحد سالني عن نوع العلاقة مع اندرو.. وهل بحبه ولا لا.. وليه ما ادخل بعلاقة معه

انا بحبه نعم.. وهو اتوقع توأم روحي لو فيه شي هيك.. بس احنا مو جاهزين للعلاقة.. ومو حاب أخرب اللي بينا.. خصوصا إنا من بيئتين مختلفتين وعادات وتقاليد مختلفة.. فعالأقل حابب نكون مستقلين عن اهلنا قبل ما نحاول..

وسلام